fbpx

Gaza, u ndërpre mësimi dhe puna në institucionet publike

Për shkak të sulmeve ajrore izraelite që zgjasin nga mbrëmë në Gaza është pezulluar mësimi nëpër shkolla dhe puna në institucionet publike, raporton Anadolu Agency (AA).

Nga Zyra e Qeverisë në Gaza thonë se spitalet dhe institucionet shëndetësore vazhdojnë të punojnë.

Forcat izraelite kryen sulme edhe në orët e mëngjesit. Në sulmin ajror u shkatërrua një banesë 7 katëshe, ndaj saj u shkrepën 11 raketa. Dëme materiale iu shkaktuan edhe xhamisë në ndërtim.

Ministria e Shëndetësisë e Gazës konfirmoi se në orët e mëngjesit është vrarë një palestinez dhe një tjetër është plagosur.

Të paktën pesë palestinezë u vranë në sulmet e mbrëmshme izraelite në Rripin e Gazës.

Ministri palestinez i Shëndetësisë, Ashraf al-Qudra tha se palestinezi që u plagos rëndë në sulmet izraelite në qytetin e Rafahut ndërroi jetë sot në mëngjes në spital.

Gjatë natës së fundit, bombarduesit izraelitë kryen sulme të ashpra në pjesë të ndryshme të enklavës palestineze të bllokuar të Gazës.

Cak i sulmit ishte stacioni policor, dy selitë të lëvizjes Xhihadi Islamik dhe televizioni Al-Aksa. Izraeli nisi sulme ajrore pas pretendimeve për sulme me raketa nga Rripi i Gazës.

Ushtria izraelite pretendon se më shumë se 300 raketa u hodhën të hënën nga Gaza në Izrael dhe se shumica e tyre u interceptuan nga sistemi mbrojtës ose kanë rënë në zona të pabanuara. Në sulmet me raketa, 29 izraelitë u plagosën.

Organizata e Kombeve të Bashkuara kërkoi që t’i jepet fund konfliktit në Gaza.

Lajme të ngjashme

Leave a Reply

Your email address will not be published. Required fields are marked *

Back to top button