fbpx

Edhe Thaçi dhe Merkeli biseduan për marrëveshjen me Serbinë

Presidenti i Kosovës, Hashim Thaçi është takuar me kancelaren gjermane, Angela Merkel në Paris.

Përmes një postimi në Twitter, Thaçi thotë se me kancelaren Merkel ka biseduar për arritjen “e marrëveshjes paqësore gjithëpërfshirëse ndërmjet Kosovës dhe Serbisë”, njofton REL.

“Të dy jemi pajtuar se mbështetja e Gjermanisë është qenësore për këtë marrëveshje dhe për anëtarësimin tonë në Bashkimin Evropian”, shkruan Thaçi.

Thaçi dhe Merkel janë në mesin e 70 udhëheqësve botërorë, të cilët gjenden në Paris, për të marrë pjesë në ceremonitë për të shënuar 100-vjetorin e përfundimit të Luftës së Parë Botërore.

LEXO: Vuçiq dhe Merkel biseduan edhe për Kosovën

Merkel më herët gjatë ditës është takuar edhe me presidentin e Serbisë, Aleksandar Vuçiq, me të cilin ka biseduar po ashtu për dialogun mes Prishtinës dhe Beogradit.

Presidenti Thaçi përfaqëson Kosovën në dialogun me Serbinë që ndërmjetësohet nga Bashkimi Evropian. Ai kohëve të fundit ka proklamuar idenë e ndryshimit të kufirit mes dy shteteve, apo siç e quan ai “korrigjimin” e tij. Sipas Thaçit, korrigjimi i kufirit me Serbinë nënkupton bashkëngjitjen e Preshevës, Medvegjës dhe Bujanocit me territorin e Kosovës.

Kancelarja Merkel më herët është shprehur kundër një ideje të tillë.

Lajme të ngjashme

Leave a Reply

Your email address will not be published. Required fields are marked *

Back to top button