Edhe një tjetër medalje për Kosovën, kësaj here prej Uzbekistani
Xhudistja Loriana Kuka ia ka siguruar Kosovës medaljen e katërt në GrandPrixin e Tashkentit në Uzbekistan, njofton Koha.net.
Pas triumfit të Majlinda Kelmendit dhe Distria Krasniqit dhe pas të argjendtës nga Nora Gjakova, Kuka ka arritur në finalen e kategorisë deri 78 kilogramë.
Në rrugën drejt finales, Kuka mposhti Raifovan e Kazakistanit, Sampaion e Portugalisë dhe Luise Malzahnin e Gjermanisë në gjysmëfinale.
Në finale ajo përballet me Bernadette Graff të Austrisë.
