fbpx

Studim: Poli i Veriut më nuk është “port i sigurt” për shpendët

 Rajoni i Arktikut nuk është më një port i sigurt për shpendët që bien në klloçkë, ka treguar një studim, transmeton Anadolu Agency (AA).

Gjatë hulumtimit, rezultatet e të cilit janë botuar në revistën Science, janë analizuar të dhëna 70-vjeçare në lidhje me 38 mijë fole për 200 lloje të shpendëve në 149 rajone në të gjitha kontinentet, përfshirë 111 shpendë bregdetarë.

Në këtë studim, është vërejtur lidhje midis sulmeve të foleve të shpendëve nga ana e grabitqarëve dhe ndryshimeve klimatike në botë, veçanërisht në rajonin e Arktikut.

Në 70 vitet e fundit, sulmet ndaj foleve të shpendëve nga ana e gjarpërinjve, hardhucave dhe dhelprave në rajonin e Polit të Veriut janë rritur trefish, kanë treguar shkencëtarët, të cilët i kanë cilësuar këto gjetjet si “alarmante”.

Në Evropë, një pjesë të madhe të Azisë dhe në Amerikën e Veriut, sulmet e tilla janë rritur dyfish, ndërsa ndryshime të vogla janë vërejtur edhe në rajonet tropikale dhe hemisferën jugore.

Lajme të ngjashme

Leave a Reply

Your email address will not be published. Required fields are marked *

Back to top button