Presidenti amerikan Tramp nominoi ambasadore të re të SHBA-ve në Maqedoni
Diplomatja me karrierë në Departamentin e Shtetit, për momentin në funksion të zëvendës shefit të misionit në ambasadën e SHBA-së në Greqi, Kate Byrnes, është e nominuar nga presidenti Donald Trump, për ambasadore të ardhshme në Maqedoni, transmeton VOA, përcjell Portalb.mk.
Për të thuhet se më parë ka qenë njeriu i dytë në mision dhe zëvendës përfaqësues në misionin e SHBA-vë në OSBE në Vjenë. Në karrierën e saj diplomatike ka punuar në ambasadën amerikane në Madrid, Spanjë dhe ka qenë në detyra diplomatike në Afganistan dhe në selinë e NATO-s në Bruksel. Byrnes flet spanjisht, hungarisht dhe turqisht.
Informacioni për nominimin e saj është publikuar në faqen zyrtare të Shtëpisë së Bardhë.
Ambasadori aktual në Maqedoni, Xhes Bejli e ka ndarë informacionin në profilin e tij në rrjetin social Tuiter:
Congratulations to Kate Byrnes on the President’s intent to nominate her as the next U.S. Ambassador to the Republic of Macedonia. https://t.co/ZzHm6SlB3c
— Amb. Jess Baily (@AmbBaily) November 8, 2018
Bejli ishte emëruar si ambasador në Maqedoni nga ana e Senatit në dhjetor të vitit 2014.