Për katër vite 7500 fëmijë të rinj do të përfshihen në kopshte
Për katër vitet e ardhshme, në Maqedoni shtatë mijë e pesëqind fëmijë do të përfshihen në kopshte. Përfshirja e tyre do të mundësohet nga projekti i financuar nga Banka Botërore me 30 milionë euro për mbrojtjen e fëmijëve dhe mbrojtjen sociale, që do të zbatohet nga Ministria e Punës dhe Politikës Sociale.
Ministrja e Punës dhe Politikës Sociale, Mila Carovska vlerësoi se projekti dhe përfshirja e këtyre 7.500 fëmijëve do të rritë në 50 për qind përfshirjen e fëmijëve nga tre në gjashtë vjet në arsimin parashkollor.
Përfshirja e fëmijëve në çerdhe në Maqedoni është rreth 30 për qind dhe qëllimi është që të arrihet 50 përqindëshi.