Naim Tërnava edhe për një mandat në krye të Bashkësisë Islame të Kosovës
Naim Tërnava u votua për të katërtën herë në krye të BIK-ut.
Naim Tërnava do të vazhdojë të udhëheq me Bashkësinë Islame të Kosovës (BIK), njofton Lajmi.net.
Ai fitoi për herë të katërt duke mbledhur 52 vota nga trupi zgjedhor i cili përbëhej nga 28 delegatë të Kuvendit.
Ndërsa, kundërkandidati i vetëm Reshat Mexhiti mori gjashtë vota, ndërsa dy vota ishin të pavlefshme.
Tërnava është myfti i Kosovës që 13 vjet dhe ka përfunduar mandatin e tretë në krye të institucionit më të lartë të besimit islam në Kosovë.
Rikandidimi për herë të katërt për këtë pozitë ka ngritur edhe disa dilema dhe njohës të islamit në Kosovë kanë thënë se Tërnava po e shkel Kushtetutën e BIK-ut.
