Qeveria afgane dëshiron të dëshmojë se mund të mbajë zgjedhje të qeta dhe transparente

Afganët po marrin pjesë në zgjedhjet parlamentare të cilat po testojnë aftësitë e qeverisë për të ofruar siguri në vend.

Zgjedhjet që duhet të mbaheshin më 2015, u shtynë për tre vjet për shkak të reformave zgjedhore dhe jostabilitetit pas dorëzimit të përgjegjësive rreth sigurisë nga NATO tek forcat afgane më 2014, transmeton REL.

Qeveria afgane dëshiron të dëshmojë se mund të mbajë zgjedhje të qeta dhe transparente përkundër luftimeve në mes të forcave qeveritare dhe militantëve në 20 provinca të Afganistanit.

Më shumë se 50,000 forca të sigurisë po përcjellin votimet në 19,000 qendra votimi.

Kandidatët, tubimet e fushatave, kanë qenë cak i sulmeve vdkejeprurëse nga talibanët dhe Shteti Islamik.

Për tre javë fushtatë, dy kandidatë dhe 34 civilë u vranë.

Zgjedhjet nuk do të mbahen ne 10 provinca të Afganistanit për shkak të rrezikut nga militantët.

Më shumë se 2,500 kandidatë po garojnë për 249 ulëse në Kuvend. Nga ta, 417 janë gra..

Qindra prej tyre janë kandidatë të rinj, të pavarur, gazetarë, ndërmarrës dhe mësimdhënës.

Lajme të ngjashme

Leave a Reply

Your email address will not be published. Required fields are marked *

Back to top button