Ushqimet që duhen shmangur nëse vuani nga veshkat

Veshkat kanë përgjegjësi të madhe në organizëm, shkruan Agroweb.

Ato filtrojnë gjakun, pastrojnë organizmin, prodhojnë hormone, dhe ruajnë ekuilibrat e mineraleve dhe lëngjeve.

Sëmundjet e veshkave mund të shkaktohen nga alkoli i tepërt, viruset e Hepatitit, infeksionet e të tjerë.

Roli i Ushqyerjes Tek Sëmundjet E Veshkave

Në varësi të llojit dhe progresit të sëmundjeve të veshkave, mjekët rekomandojnë regjime të caktuara dhe të përzgjedhura ushqimore.

Një regjim ushqimor i shëndetshëm për veshkat ka dy rregulla kryesore: jo më shumë se 2000 mg kripë dhe kalium në ditë dhe jo më shumë se 1000 mg fosfor në ditë.

Veshkat e dëmtuara kanë probleme në filtrimin e mbetjeve dhe proteinave.

Ushqimet Që Duhen Shmangur Nëse Vuani Nga Veshkat

Pijet E Gazuara Me Ngjyrues dhe Aditivë

Këto pije përmbajnë kalori, sheqerna dhe shumë fosfor.

Në 200 ml pije të gazuar me ngjyrë të errët gjendet nga 50 deri në 100 mg fosfor.

Ushqimet e Konservuara

Ushqimet e konservuara përmbajnë shumë kripë.

Në varësi të produktit, ato e rrisin sasinë e sodiumit në organizëm nga 33 deri në 80 përqind.

Gjalpi i tepërt

Produktet e bulmetit specifikisht gjalpi përmban shumë fosfor, kalium dhe proteinë.

Konsumi i tij duhet të jetë i kufizuar.

Në rastin e sëmundjeve të veshkave, gjalpi në sasi të tepruara duhet të shmanget.

Sallamrat

Mishrat e përpunuar siç janë sallamet dhe salçicet përmbajnë shumë kripë dhe proteina.

AgroWeb.org ju këshillon që konsumi i tyre të jetë i kufizuar.

Biskotat dhe Patatinat

Këto produkte përmbajnë shumë kripë, por edhe kalium.

Ngrënia në sasi të mëdha e tyre shkakton vështirësi për veshkat.

Një Fjalë Të Fundit

Sipas të dhënave të AgroWeb.org, regjimet ushqimore dhe rekomandimet për marrjen e ushqyesve të duhur bazohen në progresin e sëmundjes.

Ato mund të përcaktohen më së miri nga një ekspert ushqimor dhe një mjek specialist.