Lideri i VMRO-së, Mickoski njoftoi për kushtin e shkuarjes në zgjedhje parlamentare
Lideri i VMRO-DPMNE-së, Hristijan Mickoski sot ka deklaruar se nëse kryeministri i Maqedonisë, Zoran Zaev heq dorë nga marrëveshja me Greqinë, do të pranojë zgjedhje, që më pas të formohet institucion i ri prokurorial i cili do ta ndjek mënyrën e formimit të Prokurorisë Speciale Publike (PSP), do të hetojë përgjimet ilegale “bombat”, mënyrën e punë së Qeverisë aktuale si dhe parregullsitë e referendumit të 30-shtatorit, transmeton Portalb.mk.
“Zaevi menjëherë të heq dorë nga Marrëveshja me Greqinë dhe atëherë hajde në zgjedhje, dhe populli të vendos. Pas asaj VMRO-DPMNE-ja do të përkrahë formimin e një institucioni prokurorial të ri, për shkatërrimin e krimit të organizuar dhe korrupsionit, menjëherë pas përfundimit të mandati së të politizuarës PSP, por kësaj here në mënyrë të profesionalizuar dhe e udhëhequr nga prokuror publik i zgjedhur në bazë të konsensusit të partive, dhe i cili do të punojë për rastet e PSP-së, dhe njëkohësisht do të hetojë materialet e incizuara në mënyrë ilegale, për të cilin u tha se për shkak të mandatit të shkurtër nuk janë hetuar. Prokuroria e re do ta testojë edhe periudhën e punës së Qeverisë aktuale dhe të gjitha aferat që lidhen e Qeverinë, përfshirë dhe parregullsitë e referendumit, por edhe të gjitha materialet nga përgjimi ilegal që kanë të bëjnë më Zoran Zaevin dhe LSDM-në”, tha Mickoski, duke shtuar se të gjitha këto do të pranohen, nëse Qeveria aktuale nuk ka se çfarë të fsheh.
Lideri i VMRO-DPMNE-së, Hristijan Mickoski refuzoi të japë përgjigje të saktë në lidhje me pyetjen se a janë të sakta spekulimet se Qeveria e Maqedonisë është duke iu ofruar diçka deputetëve opozitarë, në këmbim të amnistisë së ish liderit dhe ish kryeministrit të Maqedonisë, Nikolla Gruevski.
Ky i fundit, iu është drejtuar deputetëve të VMRO-DPMNE-së në ora 3 të mëngjesit, dhe i ka paralajmëruar që të mos bien në gjunjë dhe mos të pranojnë asnjë kusht për të ndërprerë përndjekjen politike ndaj tij.
