Filipine, rritet numri i të vdekurve nga tajfuni Mangkhut

Është rritur në 45 numri i të vdekurve nga rrëshqitja e tokës, të shkaktuar nga reshjet e dendura të shiut si pasojë e tajfunit Mangkhut, në rajonin Cebu të Filipineve, transmeton Anadolu Agency (AA).

Sipas mediave lokale, kryetari i Njësisë së Menaxhimit të Fatkeqësive në Jebu, Baltz Tribunalo ka thënë se pas rrëshqitjes së tokës në rajon, deri më tani nga rrënojat janë nxjerrë trupat e pajetë të 45 personave.

Tribunalo thotë se në rajon vazhdojnë punimet për kërkim dhe shpëtim të 34 personave të zhdukur.

Ministri i Mjedisit Roy Cimatu kërkoi pezullimin e punimeve për 15 ditë të guroreve që ndodhen rrëzë malit ku ndodhi rrëshqitja e tokës.

Dy fshatra të cilat ndodhen në afërsi të gurores së braktisur rrëzë malit, ishin bllokuar nga rrëshqitja e dheut.

Si pasojë e tajfunit Mangkhut, i cili javën e kaluar goditi brigjet veriore të Filipineve, humbën jetën 81 persona.

Tajfuni i cili në ditën e parë arriti shpejtësinë deri në 255 kilometra në orë, të dielën humbi fuqinë e tij në Filipine ku shpejtësia e tij ra në 100 kilometra në orë.

Lajme të ngjashme

Leave a Reply

Your email address will not be published. Required fields are marked *

Back to top button