Presidenti i Moldavisë pëson aksident trafiku
Presidenti i Moldavisë, Igor Dodon ka pësuar një aksident trafiku, transmeton Anadolu Agency (AA).
Sipas mediave vendase, një kamion i cili vinte nga drejtimi i kundërt ka goditur automjetin e presidentit Dodon, përderisa ishte duke lëvizur me eskortën zyrtare në hyrje të qytetit Staseni në Moldavi.
Dodon, së bashku me pjesëtarët e familjes që ishin pranë tij janë dërguar në spitalin e kryeqytetit Kishinjev.
Drejtori i spitalit, Mihau Ciocanu bëri të ditur se presidenti 43 vjeçar Dodon dhe anëtarët e familjes së tij janë në gjendje të mirë shëndetësore.
“Presidenti Dodon nuk ka ndonjë rrezik për jetën, por ka disa dhimbje të shkaktuara nga aksidenti”, thotë Ciocanu.
