Iniesta, lojtari më i mirë i EURO 2012
Andres Iniesta është shpallur nga UEFA si lojtari më i mirë i EURO 2012, turneut që u zhvillua në Ukrainë dhe Poloni.
Gjithashtu mesfushori spanjoll u zgjodh si lojtari më i mirë i finales ndaj Italisë edhe pse nuk shënoi asnjë nga katër golat e kampionëve të Europës.
Edhe në EURO 2008, ku sërish triumfuan spanjollët, ishte një lojtar i kombëtares iberike që fitoi çmimin MVP i turneut. Xavi Hernandez u shpall si më i miri në turneun e zhvilluar në Austri dhe Zvicër.
Andres Iniesta, hero në Spanjë për shënimin e golit të vetëm të finales së botërorit 2010, ka zhvilluar një turne në nivel të lartë.
