fbpx

Urimi i reisit Sulejman Rexhepi: Flijimi për Zotin, na nxjerrë në Rrugën e Dritës (VIDEO)

Kryetari i Bashkësisë Fetare Islame në Maqedoni (BFI), Sulejman Rexhepi ka dërguar telegram urimi deri te të gjithë besimtarët e fesë islame, për festën e Kurban Bajramit 2018, njofton Portalb.mk.

Duke njoftuar se nesër është festa e Kurban Bajramit, reisi Sulejman Rexhepi ka thënë: “Ne të kemi dhënë shumë të mira, prandaj, falu (vetëm) për Zotin tënd dhe therr kurban” – (El Keuther, 1-2).

Ai ka shtuar se dija, përkushtimi dhe flijimi për Zotin dhe në emër të Tij, janë shtigje që na nxjerrin në Rrugën e Dritës.

“Të dashur besimtarë, motra e vëllezër, kam kënaqësinë që të kumtoj publikisht se nesër kemi festën e Kurban Bajramit. Kjo festë, pa dyshim që është e shenjtë, sepse shënon besnikërinë dhe sinqeritetin tonë ndaj Allahut të Gjithëmëshirshëm, i Cili, pikërisht në prag të kësaj fest na e përsosi fenë tonë duke na e kompletuar Ligjin e Shpëtimit, duke na e dhuruar Çelësin e Dyerve të Xhenetit, Kuranin Madhështor. Kurban Bajrami, të dashur besimtarë, është festë në të cilën fuqishëm përçohet mesazhi për Bujarinë dhe Mëshirën e Krijuesit tonë, çast nga rrëfimi i shenjtë që flet për dashurinë e madhe të Zotit Fuqiplotë që ka ndaj krijesave të veta. Dija, përkushtimi ndaj urdhërave të Krijuesit Absolut dhe flijimi në emër të Tij, janë tri shtigje që gjithmonë na nxjerrin në Rrugën e Dritës. Përmes diturisë ne mund ta përjetojmë krenarinë e Zotit që ka për krijesat e veta, përmes namazit, lutjeve, ibadeteve, arrijmë që ta përjetojmë kënaqësinë e Allahut tonë, kurse përmes kurbanit, përmes sakrificës e flijimit arrijmë që ta përjetojmë gëzimin dhe dashurinë e Tij.”, thuhet në telegram urimin e reisit Sulejman Rexhepi.

Kryetari i BFI-së së Maqedonisë, Sulejman Rexhepi ka këshilluar besimtarët që të shtrijnë dorën, me përqafim, me marrje në ngrykë, me vizita dhe me pajtime.

“Urimet në këtë festë patjetër që duhet të shoqërohen me shtrirje të dorës, me përqafim e me marrje ngryk, me vizita e me pajtime. Duke ju ftuar që të lutemi për shëndetin e vëllezërve dhë të motrave tona që i kemi në tokat e shenjta duke e kryer haxhillëkun, më lejoni që t’ju shpreh urimet më të përzemëërrta për Kurban Bajramin. Motra e vëllezër, për hajër ju qoftë Kurban Bajrami dhe kalofshi çaste të bukura e të paharruar përgjatë kësaj feste. Me dëshira të veçanta Bajramin ua uroj edhe vëllezërve tanë shqiptarë ku do që janë në Diasporë dhe të gjithë muslimanëve në botë”, thuhet në telegram urimin.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close