fbpx

Zyrtari amerikan kërcënon Turqinë: Gati sanksione të tjera, nëse nuk lironi pastorin

Pastori amerikan Andrew Brunson, i cili mbahet në arrest shtëpie në Turqi dhe hetohet për përfshirje në akte terroriste, është shndërruar në “mollë sherri” mes SHBA-ve dhe Turqisë.

Presidenti Trump ka përsëritur disa herë apelin për lirimin e tij, ndërsa ka marrë një sërë masash shtrënguese ndaj Turqisë, të cilat kanë tronditur monedhën vendase Lira, transmeton Top Channel.

Sekretari Amerikan i Thesarit, Steven Mnuchin, në një mbledhje me kabinetin e Trump, theksoi se Shtetet e Bashkuara janë gati të aplikojnë sanksione të tjera ndaj Turqisë, nëse pastori nuk lirohet së shpejti.

“Ne po planifikojmë një sërë masash të tjera ndaj Turqisë, nëse Brunson nuk lirohet. Gjithashtu, kemi mundësi të aplikojmë shumë më tepër sanksione, sesa po planifikojmë”, tha Mnuchin para presidentit amerikan.

Pastori amerikan Andreë Brunson akuzohet për mbështetje të organizatorëve të grushtit të shtetit të 2015-ës, në Turqi dhe aktualisht është në arrest shtëpie. Ai ka shërbyer për 22 vite si pastor në Turqi, ndërsa nëse shpallet fajtor, rrezikon të përballet me një dënim prej 35 vitesh.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close