Vjena, vendi më i përshtatshëm në botë për jetesë

Vjena ka larguar Melburnin nga pozita e parë në listën e vendeve më të mira për të jetuar, është vlerësuar në Indeksin e Njësisë për Analiza në Economist, që analizon vendet më të përshtatshme për jetesë.

Dy metropolet kanë qenë tejet ngushtë në analizat vjetore për vite me radhë, teksa Melburni ka fituar këtë pozitë në shtatë edicionet e fundit të studimit, njofton REL.

Këtë vit, një ulje e kërcënimit për sulme militante në perëndim të Evropës dhe shkalla e ulët e krimit, ka ngritur Vjenën në pozitën e parë.

Në fund të tabelës gjenden, Damasku në Siri, i përcjellur nga kryeqyteti i Bangladeshit, Daka dhe Lagosi në Nigeri.

Në këtë analizë nuk janë përfshirë disa nga kryqytetet më të rrezikshme në botë si Bagdadi apo Kabuli.

“Derisa në vitet e fundit qytetet në Evropë janë përballur me kërcënim të terrorizmit, që ka shktaktuar rritje të masave të sigurisë, viti i kaluar ka kthyer situatën në normalitet”, është thënë përmes një deklarate të këtij grupi, pas publikimit të të dhënave.

Osaka, Kalgari dhe Sidnej kanë kompletuar listën e pesë vendeve të para, derisa edhe më herët vendet e para plotësohen me qytete të mesme, të pasura dhe pa shumë popullësi.

Sa më i madh dhe më i ngarkuar që është një qytet, aq më shumë ka mundësi për krim.

Në këtë vit, Londra është listuar e 48-ta.

Lajme të ngjashme

Leave a Reply

Your email address will not be published. Required fields are marked *

Back to top button