fbpx

Frontex: Bie ndjeshëm numri i migrantëve që kanë hyrë në Evropë këtë vit

Numri i kalimeve të parregullta kufitare nëpërmjet katër rrugëve kryesore në Bashkimin Evropian, ka rënë për 43 për qind në shtatë muajt e parë të këtij viti, krahasuar me shifrat e një viti më parë, tha agjencia kufitare e BE-së, Frontex.

Në total, sipas Frontex, në shtatë muajt e këtij viti, janë regjistruar 73,500 kalime ilegale të kufirit. Në muajin korrik, kalimet e paligjshme të kufirit ishin për 18 për qind më të ulëta, krahasuar me periudhën e njëjtë të vitit paraprak, njofton REL.

Megjithatë, Rruga Perëndimore Mesdhetare është përdorur më së shumti nga migrantët për të arritur në Spanjë. Sipas Frontex, në total 23,100 migrantë, që kryesisht erdhën nga Afrika, kanë përdorur këtë rrugë për të hyrë ilegalisht në Spanjë. Kjo shifër është dy herë më e lartë, krahasuar me vitin e kaluar.

Ndërkaq, migrantët kanë vazhduar që të tentojnë të arrijnë në Evropë edhe përmes Detit Mesdhe, ndërkaq sipas Frontex-it, shifrat e lëvizjes e migrantëve përmes Ballkanit vazhdojnë të jenë modeste.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close