Një 19 vjeçar nga Shkupi pa patentë shoferi ka transportuar emigrantë
Me veturë “Mercedes”, një 19 vjeçar nga Shkupi pa patentë shoferi ka transportuar emigrantë, kumtojnë nga Ministria e Punëve të Brendshme, njofton Portalb.mk.
“Dje në orën 17:55 në autostradën Gjevgjeli – Shkup, në qarkoren te fshati Miravc, zyrtarët policor kanë vërejtur një automjet “Mercedes” me targa të Shkupit, në pronësi të N.S. (61) nga Shkupi, e drejtuar nga E.I. (19) nga Shkupi (i cili veturën e ka vozitur pa patentë shoferi)m i cili është lëvizur me shpejtësi të madhe. Në afërsi të tunelit dhe urës së lumit Vardar, në Demir Kapi, vetura është ndalur dhe nga e njëjta kanë dalë disa persona, pas së cilës ka lëvizur drejt Demir Kapisë. Kur vetura ka dalë nga autostrada është ndaluar nga zyrtarët policor. Në vendin e ngjarjes janë zënë 9 persona – emigrantë, pa dokumente për identifikim”, thonë nga MPB.
Tinejxheri dhe emigrantët janë arrestuar në Stacionin Policor për procedurë të mëtutjeshme. Po ndërmerren masa për pastrimin e plotë të rastit.