Rafinha mund të kthehet tek Interi
Interi është duke menduar për lojtarin që do ta transferojë në rast se dështon pista për ta sjellë në Milano mesfushorin e Real Madridit, Luka Modriq.
Sipas mediave italiane, transferimi i mesfushorit kroat është duke shkuar nga dështimi dhe në këtë rast, Interi medoemos dëshiron një mesfushor për edicioni e ri, transmeton KTV.
Drejtuesit e “Zikaltërve” janë duke e menduar kthimin e mesfushorit të Barçës, Rafinha, i cili është emri më i pëlqyer për trajnerin Luciano Spalletin dhe tifozët e kësaj skuadre.
Rafinha në gjysmën e edicionit të shkuar luajti për Interin duke u paraqitur në 17 ndeshje dhe realizuar 2 gola.