Programi Vjetor Kulturor 2018 ka marrë epilog: rezultatet nga ankesat (INFOGRAM)
Për Programin Vjetor Kulturor 2018 janë dorëzuar gjithsej 373 ankesa, prej tyre 296 janë nga subjektet maqedonase, kurse 77 nga subjektet shqiptare. Janë pranuar edhe ankesat e Festivalit Skupi, Ylberi dhe Teatror të Dibërs, për të cilat pati ankesa edhe publikisht, shkruan Portalb.mk.
Ministria e Kulturës iu është përgjigjur pyetjeve të dërguara më parë nga redaksia e Portalb.mk në lidhje me programin vjetor 2018.
Sipas të dhënave, në Programin Vjetor Kulturor të 2018-s është financuar edhe edicioni i dytë e Festivalit Teatror Othello që mbahet në Gostivar në vlerë prej 500 mijë denarësh.
Gjithashtu është financuar edhe edicioni i 17-të i Festivalit Teatror të Dibrës në vlerë prej 600 mijë denarë.
Ankesa pati parashtruar publikisht Festivali Ndërkombëtar i Teatrit “Skupi festival” i cili ishte i pakënaqur për shumën që u parapanë në fillim – 1.000.000 denarë. Pas ankesës “Skupi festival” nga Ministria e Kulturës do të financohet me 2 milionë e 800 mijë denarë.
Gjithashtu edhe për festivalin “Ylberi” janë korigjuar mjetet edhe për 120 mijë denarë.
Më poshtë i keni edhe të dhënat nga ankesat e parashtruara.
Aty ku nuk ka të dhëna për pranim të ankesave, nuk ka të dhëna as nga Ministria e Kulturës.
Ndërkohë që për veprimtarinë ndërkombëtare nuk dihen se sa subjekte shqiptare kanë parashtruar ankesë.
Programi Vjetor Kulturor 2018 ka të bëjë me skandalin që u publikua në muajin shkurt, kur u pa se si organizata joqeveritare pa objekt vetanak, individë pa karrierë kulturore dhe njerëz të afërt me udhëheqësit ministror kanë marrë qindra mijëra denarë nga Ministria e Kulturës. Publikisht dihen se janë prishur 11 projekte, në vlerë prej 9.219.000 denarësh.
Këto 11 projekte janë tërhequr:
- Festivali i Këngës Shqipe “Event” të Shoqatës kulturore – artistike “Event 2012” nga Tetova
- “Fllad poetik” i Shoqatës “Inovacion”
- Festivali Folkloristik për Fëmijë Shoqatës “Ble AND” nga Tetova
- “Duke i mësuar vlerat tona” të Shoqatës së Artistëve Shqiptarë Art – Tetovë
- “21 të nominuar për çmimet ART 2017” të Shoqatës së Artistëve Shqiptarë Art – Tetovë
- “Afirmimi i kulturës shqiptare nëpërmjet promovimit të kuzhinës së Gostivarit në Francë” të Shoqatës DRITA AGV – Gostivar
- “Afirmimi i qëndrueshmërisë së kulturës shqiptare nëpërmjet promovimit të zakonit tradicional të synetisë shqiptare në Maqedoni”, Shoqata Drita AGV – Gostivar
- “Pjesëmarrje në Festivalin e 19 Ndërkombëtarë” të Ansamblit “Tingujt e Karshiakës”
- Dy projekte për realizimin e koncerteve të shoqatës kulturore – artistike “Alegretto”.
Programi Vjetor dhe epilogu i projekteve të shoqatës “ART”: Komisioni për botime pa kryetar
- LEXO: Skandali me shoqatën “fantome” ART, mësoni se kujt i takon dhe pse fitoi projektin nga Ministria (DOKUMENT)
- LEXO: Aleanca për Shqiptarët kërkon të shpallet i pavlefshëm programi vjetor i Ministrisë së Kulturës
- LEXO: Ministri Allagjozovski thotë se shumica e situatave kontestuese në programin vjetor janë zgjidhur
- LEXO: Përgënjeshtrohet Ministria e Kulturës nga institucionet në lidhje me projektet e dyshimta
- LEXO: Shoqatës pa hapësirë vepruese iu dhanë 40 mijë euro, Ministria e Kulturës: të paraqiten parregullsitë!
- LEXO: Skandal: Shoqata “Art” ka fituar 40.000 euro nga Ministria e Kulturës, por nuk ka hapësira pune (VIDEO
Si u ndanë paratë për artistët shqiptarë?! Ministria e Kulturës luan “ping-pong” me përgjegjësinë