Është arrestuar Afrim Ukshini, i dënuar në rastin “Sopoti”
Arrestohet Afrim Ukshini i dënuar në rastin e Sopotit. Ukshini ishte në arrati dhe ishte dënuar në mungesë. Policia sot e ka arrestuar ne vendkalimin kufitar Tabanovc dhe pas pak minutave pritet të dërgohet në stacionin policor në Kumanovë.
Prokuroria Speciale kishte mbyllur rastin “Sopoti”, në mungesë të fakteve lidhur me akuzën për terrorizëm për 11 banorët e fshatit Sopot të Kumanovës, transmeton Alsat M.
Të akuzuar në këtë vepër ishin 11 persona, ata ishin dënuar me mbi 150 vjet burg për një shpërthim që kishte ndodhur në fshatin e tyre, që ndodhet afër kufirit me Serbinë. Nga shpërthimi i një mine kishin humbur jetën dy ushtarë polak të forcave të NATO-së dhe një shoqërues civil.
