Italia dëboi dy shqiptarë nga Kosova dhe Maqedonia, të cilët dyshohen për terrorizëm
Italia ka dëbuar 4 shtetas të huaj të dyshuar për terrorizëm, dy prej tyre shqiptarë. Mes tyre janë një 37-vjeçar nga Kosova dhe një 39-vjeçar nga Maqedonia, ndërsa dy të tjerët janë një tunizian dhe një francez.
Këta persona mbaheshin prej kohësh nën vëzhgim për aktivitetin e tyre.
39-vjeçari nga Maqedonia, ishte i dënuar në Siena nën akuzën e dhunës në familje. Ai ishte i dyshuar se i përkiste një organizata paramilitare aktive në konfliktet në Ballkan, transmeton Java News.
37 -vjeçari nga Kosova, i cili ishte rezident në Bolonja ishte nën monitorim që prej vitit 2010, pasi kishte marrë pjesë në një konferencë të së ashtuquajturës Unioni i Shqiptarëve myslimanë në Itali.
Po ashtu mediat raportojnë se ishte ndaluar së fundi për dhunë ndaj bashkëshortes dhe fëmijëve të tij.
