Trudo: Do të vazhdojmë ta kritikojmë Arabinë Saudite

Kryeministri kanadez Xhastin Trudo deklaroi se do të vazhdojë ta kritikojë Arabinë Saudite për shkak të mosrespektimit të saj të së drejtave të njeriut.

Mediat amerikane vlerësojnë se jazi diplomatik midis Kanadasë dhe Arabisë Saudite po vazhdon të rritet, pasi Riadi zyrtar i ndërpreu lidhjet diplomatike me Otavën për shkak të kërkesës kanadeze që sauditët t’i lirojnë aktivistët e arrestuar.

Trudo deklaroi se ministrja e Punëve të Jashtme Kristija Frilend një kohë të gjatë ka biseduar me kolegun e saj saudit Aden al-Xhubeiri, por nuk dha hollësi nga biseda.