Putin emëron Bazdnikin për ambasador të ri të Rusisë në Maqedoni
Presidenti i Rusisë, Vladimir Putin emëroi Sergei Bazdnikin si ambasador në Republikën e Maqedonisë.
Dekreti i emërimit të ambasadorit të ri u botua së bashku me një dekret tjetër, me të cilin Putini largon ambasadorin aktual Oleg Shcherbak nga zyra, i cili ishte në detyrë që nga viti 2010.
Sergei Bazdnikin është një ish-zv. shef i departamentit për planifikimin e ministrisë së jashtme të Rusisë.
“Sergei Aleksandroviç Bazdnikin emërohet ambasadori i ri i Rusisë në Republikën e Maqedonisë” thuhet në dekretin e Putinit.
Nuk theksohet asnjë arsye për ndryshimin e ambasadorit.
