Ministrja Reshitaj jep dorëheqje, shkak Task-Forca për mjedisin?!

Ministrja e Mjedisit dhe Planifikimit Hapësinor, Albena Reshitaj, ka dhënë dorëheqje nga kjo pozitë.

Lajmin e ka konfirmuar për KTV-në, këshilltari i ministres Leutrim Sahiti.

Ai nuk ka dhënë arsyen e dhënies së dorëheqjes.

Lajmin për dorëheqje të Reshitajt e ka bërë të ditur edhe kryeministri Ramush Haradinaj përmes një postimi në Facebook.

“Sapo kam pranuar dorëheqjen e Ministres së Ambientit dhe Planifikimit Hapësinor, Albena Reshitaj. Në letrën e saj, Ministrja këtë vendim e arsyeton me motive personale, të cilat unë do t’i respektoj. E falënderoj Ministren Reshitaj për bashkëpunimin e deritashëm dhe i uroj çdo të mirë në rrafshin personal dhe profesional”, ka thënë Haradinaj.

Portali Koha.net më herët ka raportuar se ministrja është shkarkuar për shkak të mospajtimit të saj me kryeministrin Haradinaj për Task-Forcën për mjedisin.

Ndërsa, burime tjera bënin me dije se ishin mospajtimet brenda partisë AKR arsyet e shkarkimit të Reshitajt nga kjo pozitë.

Lajme të ngjashme

Leave a Reply

Your email address will not be published. Required fields are marked *

Back to top button