Sokol Prendi – emigranti që shpëtoi grekët
Nga zona e tragjedisë greke mbërrijnë edhe historitë e njerëzve të thjeshtë që rrezikuan jetën për të shpëtuar të tjerët, njofton TCH.
Një prej tyre është edhe Sokol Prendi, emigrant shqiptar në Athinë bashkë me familjen, dhe nga zjarri humbi shtëpinë e tij, por jo kurajon dhe humanizimin për të ndihmuar të tjerët.
“Ishim pak të frikësuar s’kishim parë ndonjëherë atë zjarr. Morëm pasaportat e çdo gjë që mund të merrnim lehtësisht. Pasi shpëtuam familjarisht u kthyem të shikonim shtëpinë, edhe me pak ujë ndihmuam kë mundëm. Fatmirësisht nga fqinjët nuk humbi jetën asnjeri. Aktualisht po jetoj te vëllai që jetonte në një zonë tjetër”, tregon ai për Top Channel.
