Nëse dështon referendumi, Shekerinska: Institucionet do të vendosin se a i pranojnë ndryshimet kushtetuese

“Derisa në referendum sillet vendim, ai është detyrim për institucionet, por në rast se nuk ka vendim, sërish institucionet kanë mundësi të tregojnë qëndrimin e tyre”, kështu ka deklaruar ministrja e Mbrojtjes, Radmila Shekerinska duke komentuar referendumin për marrëveshjen me Greqinë dhe atë se nëse ndryshimet kushtetuese do të zbatohen edhe nëse referendumi nuk kalon, njofton Portalb.mk.

Sipas Shekerinskës, qëllimi i mbajtjes së referendumit është që të përmbushet ajo çfarë është premtuar – qytetarët hapur të shprehen për qëndrimin e tyre.

“Qëllimi ynë është që ta përmbushim atë që e kemi premtuar, t’ju japim gjasë qytetarëve që të shprehin qëndrim për BE, për NATO dhe për rrugën nëpërmjet të cilës do të arrijmë deri tek anëtarësimi. I nxisim qytetarët që hapur ta shprehin qëndrimin e tyre, nëse dikush është i bindur, siç jemi ne të bindur, që shumica e qytetarëve dëshirojnë që shtetit të normalizohet, stabilizohet, të dalin dhe ta shprehin qëndrimin e tyre. Ata që mendojnë se ai nuk është i mirë, gjithashtu mund të dalin të tregojnë qëndrimin e tyre”, tha Shekerinska.

Ministrja e Mbrojtjes, Shekerinska ka bërë të ditur se shumë nga kërkesat e opozitares maqedonase VMRO-DPMNE në takimin e liderëve janë pranuar, por gjithçka që ata duan është të ketë amnisti.

Edhe Shekerinska tha se me shumë gjasë referendumi do të shpallet të hënën.

Referendumi shpallet të hënën, kryeministri Zaev: Pres vendim të mençur nga qytetarët