SHBA prodhon insektet e spiunazhit

Dronet (avionët pa pilot) amerikanë me armatime të rënda që përdoren për sulmet kundër terroristëve në Pakistan e Afganistan, do të pasohen nga mikropajisje ajrore, të bazuara në insektet fluturuese.

Frika për lançimin e këtyre pajisjeve spiunazhi ka nisur që në vitin 2007, me raportime për pajisje të çuditshme fluturuese që lëviznin mbi kokat e protestuesve kundër luftës, të cilët akuzuan SHBA se po prodhonte në mënyrë të fshehtë insekte robotike spiunazhi.

Zyrtarët e mohuan këtë. Por tani “US Air Force” ka zbuluar insektet që mund të fotografojnë, regjistrojnë madje edhe sulmojnë e të mos kapen nga radarët, të quajtur “minidronet vdekjeprurëse”.