BE-ja ju bën thirrje anëtarëve për të intensifikuar përgatitjet në rast të dështimit të negociatave për Bregzit
Vendet anëtare të BE-së dhe kompanitë duhet të “intensifikojnë përgatitjet” për pasojat cilat do të shfaqen kur Britania e Madhe do të largohet nga BE, sidomos në rast të dështimit të negociatave, të paraparë deri në fund të muajit mars të vitit 2019, njoftoi sot Komisioni Evropian.
Komisioni sot publikoi tekst me të cilin ju bën thirrje vendeve anëtare dhe aktorëve privatë për të intensifikuar përgatitjet e tyre dhe të parashikojnë të gjitha skenarët.
“Britania e madhe më 30 mars të vitit 2019 do të largohet nga BE-ja dhe do të bëhet vendi i tretë. Kjo do të ketë pasoja për qytetarët, kompanitë dhe administratën në Britaninë e Madhe dhe në BE”, thuhet në kumtesë.
Komisioni theksoi se nëse marrëveshja për dalje të Britanisë nga BE-ja nuk ratifikohet para 30 marsit të vitit 2019, nuk do të ketë periudhë tranzicioni, e cila duhet të zgjatë deri më 31 dhjetor të vitit 2020 dhe të drejta e BE-së do të pushojë së aplikuari në Britani të Madhe.
Përmenden pasoja të ndryshme të mundshme, nga kontrolle të reja të kufirit të jashtëm të BE-së ndaj Britanisë së Madhe përmes vlefshmërisë së lejeve të lëshuara në Britani, konfirmim dhe autorizim, deri në rregullore të ndryshme për transferimin e të dhënave.
Shtohet se “edhe pse BE-ja ditë e natë punon në arritjen e marrëveshjes e cila do të siguronte dalje të organizuar të Britanisë nga Bashkimi Evropian, ajo dalje ishte dyshim do të shkaktojë çrregullime”, si për shembull në zinxhirë për të furnizuar kompanitë, pa marrë parasysh nëse ekziston marrëveshje ose jo.
“Tani të gjithë duhet të përshpejtojnë përgatitjet për të gjithë skenarët dhe të ndërmarrin përgjegjësi për situatën e tyre konkrete”, shkruhet në kumtesë.
Nëse arrihet marrëveshje me Britaninë dhe nëse ratifikohet para 30 marsit, në mënyrë që të hyjë në fuqi në atë datë, do të zbatohet periudhë tranzicioni deri më 31 dhjetor të vitit 2020, ligji i BE-së nga ajo datë nuk do të vlejë në Britaninë e Madhe.
