Merkel: Ballkani Perëndimor duhet “të sigurohet” me europerspektivë
Kancelarja gjermane Angela Merkel sot nga Samiti për Ballkanin Perëndimor në Londër u angazhua për afrimin e vendeve të Ballkanit Perëndimor drejt BE-së, duke theksuar se rajoni duhet “të sigurohet” me perspektivë evropiane.
Merkel theksoi se ajo është plotësisht e përkushtuar në europerspektivën e rajonit edhe krahas kundërshtimit të disa anëtareve të BE-së në zgjerim të shpejtë të bllokut.
Kancelarja gjermane theksoi se qëllimi kryesor duhet të jetë përforcimi i lidhjeve në rajonin e Ballkanit Perëndimor, që do të jetë e mundur përmes “ndërtimit të infrastrukturës, bashkëpunimit ekonomik dhe këmbimit të të rinjve”.
Paraprakisht edhe Komisioni Evropian porositi se Samiti për Ballkanin Perëndimor në Londër tregon që Bashkimi Evropian vazhdon ta përforcojë bashkëpunimin me rajonin me përkushtim të qartë dhe masa konkrete, duke u fokusuar në tre fusha kyçe të bashkëpunimit, ekonomisë, sigurisë dhe pajtimit.