Operacioni i shpëtimit të fëmijëve në Tajlandë përfundon për sot – janë shpëtuar tetë fëmijë, kanë mbetur edhe pesë të tjerë

Janë nxjerrur nga shpella në Tajlandë edhe katër fëmijë të tjerë sot, duke e çuar gjithsejtë në tetë, numrin e fëmijëve të shpëtuar, pasi dje ishin nxjerrur katër të parët.

Në shpellë kanë mbetur edhe katër fëmijë të tjerë dhe trajneri i tyre i futbollit 25 vjeçar.

Pesë të mbeturit e tjerë nuk do të nxirren sot, pasi CNN raporton se për këtë ditë ka përfunduar operacioni – ai do të vazhdojë nesër, njofton Klan Kosova.

Operacioni i komplikuar po shkon shumë mirë, edhe më mirë se që ishte menduar, ka thënë një zyrtar në Tajlandë.

Në operacion po marrin pjesë 90 zhytës profesionistë – 40 tajlandezë e 50 nga vende të tjera të botës.

Fëmijët, pjesë e një klubi futbollistik kishin mbetur në shpellë, pasi shirat e mëdha e kishin mbyllur daljen nga shpella.

Ngjarja po përcillet me interes të madh në gjithë botën.

Të gjithë fëmijët e larguar nga shpella janë dërguar urgjentisht nëpër spitale për t’u trajtuar, derisa është njoftuar se gjendja e tyre është e mirë.

Gjatë ditëve të kaluara, duke bërë përgatitjet për largimin e fëmijëve nga shpella ka vdekur një zhytës tajlandez.

Ai kishte mbetur pa ajër i ngecur në një nga tunelet e ngushta të shpellës.

Kjo është gjeografia dhe harta e shpellës në Tajlandë ku kanë ngecur fëmijët dhe trajneri i tyre. Këtë rrugë-tunel duhet ta kalojnë ata për të dalur në sipërfaqe. Operacioni po zhvillohet nga 90 zhytës profesionistë.

Kështu po zhvillohet operacioni i nxjerrjes së fëmijëve nga shpella në Tajlandë.