Botërori 2018, sot fillojnë ethet e të tetës së finales
Kampionati Botëror në Futboll, “Rusi 2018”, të shtunën vazhdon garat me ndeshjet eliminatore të vlefshme për të tetën e finales, ku në orar janë dy ndeshje, raporton Anadolu Agency (AA).
Në ndeshjen e parë e cila do të luhet në stadiumin Kazan me fillim në ora 16:00, kombëtarja e Francës do të përballet kundër Argjentinës.
Të njohur si “Les Bleus” (të Kaltërtit), Franca doli fituese e grupit C, ku luajti bashkë me Danimarkën, Perunë dhe Australinë.
Kundërshtari i tyre, Argjentina, u kualifikua me shumë telashe, duke siguruar vendin në mesin e 16 kombëtareve më të mira në ndeshjen e fundit të grupeve kundër Nigerisë, të cilën e mposhti me rezultatin 2:1, në një sfidë plotë emocione dhe një gol të shënuar në fundin e lojës, më saktësisht në minutën e 86-të nga heroi Marcos Rojo.
Ne ndeshjen e dytë të ditës, Uruguai dhe Portugalia do të luftojnë për një vend në çerekfinale.
Uruguai mposhti Rusinë 3-0, për të siguruar vendin e parë në grupin A me nëntë pikë maksimale, ndërkohë që kundërshtari i tyre, Portugalia u kualifikua me shumë mund, duke barazuar me Iranin 1:1, në një ndeshje e cila u luajt në Mordovia Arena.
Në mesin e 16 kombëtareve të fundit ka 10 skuadra evropiane: Portugalia, Franca, Belgjika, Spanja, Rusia, Kroacia, Danimarka, Suedia, Zvicra dhe Anglia, pesë skuadra janë nga Amerika Latine, Brazili, Argjentina, Uruguai, Meksika dhe Kolumbia, dhe vetëm një nga Azia, Japonia.
– Çiftet e të tetës së finales:
– 30 qershor
Francë – Argjentinë 16:00
Uruguaj – Portugali 20:00
– 1 korrik
Spanjë – Rusi 16:00
Kroaci – Danimarkë 20:00
– 2 korrik
Brazil – Meksikë 16:00
Belgjikë – Japoni në 20:00
– 3 korrik
Suedi – Zvicër 16:00
Kolumbi – Angli 20:00
* fituesit kualifikohen në çerekfinale