Kosova i ndalon ministrit serb Vulin të marrë pjesë në festimin e Vidovdanit
Ministrit serb të Mbrojtjes, Aleksandar Vulin, i është ndaluar nga autoritetet kosovare që të marrë pjesë nesër në Gazimenstan për festën e madhe fetare ortodokse serbe të Vidovdanit, njoftoi korrespondenti i MIA-s nga Prishtina.
Lajmin për ndalimin e hyrjes së ministrit serb e ka konfirmuar për portalin KALLXO.com, ministri i Punëve të Jashtme, Behgjet Pacolli.
I pyetur në lidhje me zyrtarët serbë që kanë kërkuar leje të hyjnë në territorin e Kosovës për manifestimet e nesërme, Pacolli tha se vetëm ministrit të Mbrojtjes së Serbisë, Aleksandar Vulin i është ndaluar hyrja.
