Presidenti i Maqedonisë Ivanov ka uruar presidentin e Turqisë, Erdogan
Presidenti i Republikës së Maqedonisë Gjorge Ivanov ka uruar presidentin e Republikës së Turqisë, Recep Tayyip Erdoğan, për fitoren në zgjedhjet presidenciale dhe parlamentare, transmeton Anadolu Agency (AA).
“Presidenti Ivanov realizoi bisedë telefonike me presidentin e Republikës së Turqisë Recep Tayyip Erdoğan, me rastin e suksesit të arritur në zgjedhjet e parakohshme presidenciale dhe parlamentare në Turqi”, bëhet e ditur në profilin e tij zyrtar të rrjeteve sociale.
Më tej thuhet se presidenti Ivanov uroi Erdoğan për fitoren dhe rezultatet e arritura zgjedhore duke i uruar ushtrimin e suksesshëm të postit presidencial.
“Në bisedën telefonike u shkëmbyen mendime për ndodhitë aktuale politike në të dyja vendet, me ç’rast presidenti Ivanov falënderoi për tërë mbështetjen e deritanishme nga Republika e Turqisë, duke shprehur bindjen se edhe periudhën e ardhshme do të vazhdojë miqësia dhe bashkëpunimi i fuqishëm mes dy vendeve”.
Erdogan pas fitores në zgjedhje: Turqia gjithë botës i dha leksion mbi demokracinë
Rama dhe liderë të tjerë botëror urojnë presidentin Erdogan për suksesin në zgjedhje
