Bebe flet për problemet që ka me ankthin

Këngëtarja me prejardhje shqiptare, Bebe Rexha ka pozuar për revistën “Teen Vogue”.Përveç fotografive, 28-vjeçarja ka folur për problemin e kamotshëm me ankthin, transmeton Koha.net.

Në këtë intervistë, ajo ka thënë se që nga fëmijëria është e shqetësuar, derisa ka shtuar se me ankthin përballet çdo ditë të jetës së saj.

“Qaj shumë. Është e vështirë. Kam mjekun tim dhe kam njerëz me të cilët bisedoj. Është betejë e përditshme, e ndjej”, ka thënë Bebe Rexha. “Nuk dua të ushqehem me të, por stili im i jetës është i çmendur”.

Si shtesë në terapinë ndaj ankthit, Bebe angazhohet në punë dhe nuk përdor shumë rrjetet sociale, si pjesë të betejës ndaj anktheve, por kujton se ankthet i përballonte me vështirësi kur ishte adoleshente.

“Kur fillova vitin e parë të kolegjit, isha nervoze. Nuk dija si të përballesha me problemet dhe si të jem rreth njerëzve. Isha nervoze gjatë tërë kohës”, ka thënë Bebe Rexha.

Këngëtarja me prejardhje shqiptare, përkundër suksesit të këngëve “Girls”, “Monster”, ka ndjenja të përziera për albumin e saj të parë “Expectations” që do të publikohet më 22 qershor.

Lajme të ngjashme

Leave a Reply

Your email address will not be published. Required fields are marked *

Back to top button