Partia Popullore Evropiane (EPP): Moment i rëndësishëm për Shkupin, të gjithë të jen produktiv

Partia Popullore Evropiane (EPP) ju bëri thirrje të gjitha palëve të involvuara në procesin për emrin të tregojnë konstruktivitet.

“E përshëndesim marrëveshjen e arritur midis dy qeverive në Athinë dhe në Shkup, e cila punon në gjetjen e zgjidhjeve për kontestin e gjatë bilateral”, thuhet në kumtesë.

EPP shpreson se procesi i zbatimit do të zhvillohet pa pengesa prej të dyja palëve me çka do të hapet rruga për hyrjen e Maqedonisë në NATO dhe mundësia për fillimin e negociatave me BE-në.

“Ky është moment i rëndësishëm për Shkupin dhe besojmë se të gjitha partitë politike duhet të synojnë drejt sjelljes pozitive dhe konstruktive për ndërtimin e së ardhmes evropiane të vendit”, theksojnë demokristianët evropianë.

EPP ishte e vetmja parti politike evropiane e cila parimisht nuk e përshëndeti marrëveshjen për emrin, duke e pasur parasysh atë se partitë opozitare të të dyja palëve janë anëtare të këtij grupi politik evropian dhe janë kundër marrëveshjes.

Burime të MIA-s porositën se në grup megjithatë është folur pas dyerve të mbyllura. Ky është reagimi i parë zyrtar nga e djathta evropiane.

Lajme të ngjashme

Leave a Reply

Your email address will not be published. Required fields are marked *

Back to top button