Muslimanët në Prishtinë falën namazin e Fitër e Bajramit (VIDEO-FOTO)

Nën organizimin e Bashkësisë Islame të Kosovës, është mbajtur manifestimi qendror për faljen e namazit të Fitër Bajramit në xhaminë e Madhe – Sulltan Mehmet Fatih në Prishtinë, drejtuar nga sekretari i përgjithshëm i Bashkësisë Islame të Kosovës, Resul Rexhepi.

Hytben e Fitër Bajramit në xhaminë̈ e Madhe në Prishtinë e ka mbajtur Myftiu i Kosovës, Naim Tërnava, i cili iu drejtua opinionit të gjerë me mesazh urimi për festën, ku theksoi se festa në thelb nënkupton kthim ku pas Ramazanit kthehemi me një personalitet tjetër, më të fuqishëm, më të kalitur dhe me më shumë vlera.

“Ju thërras të gjithëve popull dhe institucione që të marrim shkas festat tona fetare dhe kombëtare për t’u angazhuar për interesin shoqëror të vendit, për të mirën e përbashkët duke shfrytëzuar momentet sikur këto bashkimi rreth qëllimeve fisnike të bëhet më i lehtë dhe më i fortë. Kështu mund të marshojmë bashkë drejtë qëllimeve tona shoqërore e shtetërore”, tha Tërnava.

Sot besimtarë muslimanë kremtojnë Fitër Bajramin. Siç edhe është traditë, pas faljes së namazit besimtarët mulsimanë vazhdojnë festimet në shtëpitë e tyre, duke shkëmbyer vizita mes të afërmeve, etj.

Lajme të ngjashme

Leave a Reply

Your email address will not be published. Required fields are marked *

Back to top button