MPJ: Bisedimet treguan rezultat të mirë, por të mos shpejtojmë për marrëveshje
Ministria e Punëve të Jashtme u deklarua para opinionit vendor dhe ndërkombëtarë në lidhje më bisedimet me Greqinë për kontestin me emrin, përcjell Portalb.mk.
“ Në kuadër të bisedimeve u tregua vullnet I mirë dhe u arrit rezultat i mirë. Në këtë moment, si edhe në çdo proces të kësaj natyre është e nevojshme që ky vullnet i mirë nga të dy grupet punuese të nxirret në tekst me marrëveshje, që në mënyrën më adekuate do t’i paraqiste parametrat thelbësore nga arritja e deritanishme politike nga të dyja palët.
Republika e Maqedonisë dëshiron dhe po punon me intensitet që kjo të ndodh sa më shpejtë në vigjilje të mbledhjes së Këshillit të Evropës, njëkohësit duke theksuar se për pyetje kaq të rëndësishme nuk duhet të shpejtohet. Kualiteti I tekstit të marrëveshjes dhe nevoja për arritjen e zgjidhjes përfundimtare dhe të pranueshme për të dyja palët, janë shumë më të rëndësishme se sa nevoja që procesi të finalizohet në cilindo afat”, shkruan në njoftimin nga Ministria e Punëve të Jashtme e Maqedonisë.
Ndryshe, në Greqi dje në 24 qytete janë mbajtur protesta kundër “karakterit grek të Maqedonisë”, ndërkaq edhe Athina edhe Shkupi janë në pritje të bisedës së paralajmëruar ose takimit eventual mes kryeministrave Zoran Zaev dhe Aleksis Cipras, njofton Portalb.mk.
Derisa grekët protestojnë, as në Shkup, as në Athinë nuk ka konfirmim zyrtar për atë se kur do të mundej që të ketë bisedë mes dy kryeministrave, për hapat e mëtutjeshëm të bisedimeve, me [ka do të konfirmoheshin të arriturat e deritanishme dhe eventualisht do të nënshkruhej marrëveshje për emrin.
- LEXO: Zaev ka afat që t’i telefonojë Ciprasit deri më 9 qershor
- LEXO: “Nova, Gorna dhe Severna Makedonija”, Zaev për emrin: zgjidhja është çështje ditësh
- LEXO: Deputeti Grubi për emrin e Maqedonisë: së shpejti do të zgjidhet problemi me Greqinë (VIDEO)
Në sheshin e qytetit Pella, afër përmendores së Aleksandrit të Madh, është mbajtur tubimi qendror, në të cilin u mblodhën mijëra qytetarë, me flamuj grek dhe porosi se Maqedonia është greke. Protestat paralele në orën 10:30 sipas kohës lokale kanë filluar në 24 qytete të ndryshme. Protestuesit nëpër tërë Greqinë, kanë qenë në atmosferë të urtë, me përjashtim të ishullit Kreta, ku atje ka ndodhur një incident i vogël mes një grupi anarkistësh dhe policisë, gjatë së cilës është lënduar një polic.
- LEXO: “Emri”, Micotakis: Nuk e pranojmë gjuhën dhe kombësinë maqedonase
- LEXO: Maqedoni-Greqi, Kozijas: Ka ardhur koha të themi një ‘po’ ose ‘jo’ të madhe
- LEXO: “Emri”, Xanakopullos: Asgjë s’jemi marrë vesh nëse nuk merremi vesh për gjithçka
Nga ana tjetër, Shtet e Bashkuara të Amerikës (SHBA) shpresojnë që Maqedonia dhe Greqia do t’i mbarojnë bisedimet për emrin që të hapet rruga për hyrje të vendit në NATO në samitin e korrikut, ndërkaq i japin mbështetje të plotë anëtarësimit të Maqedonisë në NATO, ambasadorja e SHBA-së në NATO, Kej Bejli Hatçison.
“Maqedonia i plotëson të gjitha kushtet, është i nevojshëm hapi final. Nga Samiti paraprak është e qartë se NATO është e gatshme që t’i fillojë bisedimet hyrëse me Maqedoninë menjëherë sa të zgjidhet çështja e emrit. Besoj se ministrat e dy vendeve punojnë shumë me përkushtim që të arrijnë deri në zgjidhje të pranueshme për të dyja palët. Sa të arrihet marrëveshja dhe kërkesa kyçe të plotësohet, vlerësoj se Maqedonia do ta fillojë procesin e hyrjes në NATO. Aleanca ishte e qartë se Maqedonia i plotëson kushtet, përveç emrit dhe sa të zgjidhet ajo ne e duam si partner të barabartë. SHBA fuqishëm e përkrah pranimin e Maqedonisë dhe shpresoj që ajo do të duhet që të ndodh edhe në samitin e ardhshëm, por ajo se çfarë kërkohet nga të dy vendet është që t’i mbarojnë bisedimet dhe të hapin rrugë për hyrje të Maqedonisë deklaroi Kej Bejli Hatçinson.
Kryeministri Zaev pardje deklaroi se është çështje ditësh kur do të ketë bisedë telefonike mes tij dhe Ciprasit dhe shtoi se për momentin ende po krijohen rrethanat që ajo të ndodh.
