“Nova, Gorna dhe Severna Makedonija”, Zaev për emrin: zgjidhja është çështje ditësh

“Nuk do të komentoja detaje, sepse duke parashtruar ju pyetje, unë e shoh se kjo çështje është e ndjeshme. Janë në pyetje ditë, dhe do të jem i vëmendshëm, dhe besoj si ju, si qytetarët do të më kuptoni, sepse besoj se janë në pyetje ditë për përfundim dhe zgjidhje të suksesshme të këtij procesi”, kështu ka komentuar në një ngjarje, sot në Shkup, kryeministri i Maqedonisë, Zoran Zaev, deklaratën e ministrit të Punëve të Jashtme të Greqisë, Nikos Koxias, transmeton Portalb.mk.

Kryeministri i Maqedonisë, sërish zgjedh të mos deklarojë detaje të zgjidhje së problemit të emrit Maqedoni – Greqi, kurse për telefonatën e paralajmëruar se do ta realizojë me homologun e tij grek, Aleksis Cipras, tha:

“Nuk do të komentoja detaje, për të vetmen arsye, sepse ende po krijohen kushtet që të realizohet biseda telefonike”, tha Zaev, megjithëse as nuk demanton, as nuk i vërteton propozimet në tryezën e zgjidhjes.

Ndërkaq, ministri i Punëve të Jashtme i Greqisë, Nikos Koxias, ka deklaruar se “Nova Makedonija”, “Gorna Makedonija” dhe “Severna Makedonija” janë propozimet për emrin e Maqedonisë, për të cilat duhet të vendosin kryeministri i Greqisë, Aleksis Cipras dhe ai i Maqedonisë, Zoran Zaev, për t’i dhënë fund procesit 25-vjeçar të çështjes së emrit Maqedoni – Greqi.

Maqedoni-Greqi, Kozijas: Ka ardhur koha të themi një ‘po’ ose ‘jo’ të madhe

Lajme të ngjashme

Leave a Reply

Your email address will not be published. Required fields are marked *

Back to top button