Rusia e dënon inskenimin e vrasjes së gazetarit

Rusia e dënoi vrasjen e inskenuar të gazetarit rus, Arkady Babchenko, duke e cilësuar atë si “një tjetër provokim anti-rus”.

Shërbimi i Sigurisë i Ukrainës e inskenoi vrasjen e tij në Kiev, për të parandaluar, siç tha, një komplot të agjentëve rusë për të vrarë vërtet Babchenkon, transmeton REL. 

Babchenko u shfaq të mërkurën në një konferencë për media, një ditë pasi u raportua i vrarë.

Zëdhënësja e Ministrisë së Jashtme ruse, Maria Zakharova, e përshkroi veprimin e autoriteteve të Ukrainës si “një maskaradë”, e bërë për “efekt propagandistik”.

Ajo shtoi se Rusia është e lumtur që Babçhenko është gjallë.

Babchenko, kritik i Kremlinit, është zhvendosur në Ukrainë pas, siç është thënë, kërcënimeve me vdekje në Rusi.

Lajme të ngjashme

Leave a Reply

Your email address will not be published. Required fields are marked *

Back to top button