Protestat në Gaza, 109 palestinezë të plagosur
Numri i palestinezëve të plagosur gjatë ndërhyrjes së ushtarëve izraelitë në protesta në kufirin e Gazës u rrit në 109 të premten, raporton Anadolu Agency (AA).
Ministria palestineze e Shëndetësisë ka konfirmuar se ushtarët izraelitë kanë përdorur municion të vërtetë dhe gaz lotsjellës ndaj demonstruesve në lindje të Gazës.
Deklarata tha se numri i palestinezëve të plagosur u rrit në 109.
Mijëra palestinezë u mblodhën të premten në kufirin e Gazës për të protestuar ndaj okupimit izraelit dhe zhvendosjes së ambasadës amerikane nga Tel Avivi në Kuds.
Forcat izraelite të sigurisë me forcë u përpoqën të parandalonin protestat që vazhduan të martën, duke përdorur forcën dhe armët e zjarrit. Deri më tani mbi 110 palestinezë janë vrarë dhe të paktën 3.000 janë plagosur.
Dënimet që vijnë nga bota, ndër të tjera thuhet se përdorimi i forcës së tepruar është e papranueshme në rastin e protestave paqësore që palestinezët kanë organizuar në 70 vjetorin e “Nakba”-s, apo persekutimit masiv të këtij populli.