fbpx

Unë nuk kisha skandale si president, thotë Obama

Ish-presidenti amerikan, Barack Obama tërthorazi ka kritikuar pasardhësin e tij, Donald Trump, duke thënë se gjatë tetë vjetëve të tij si president nuk kishte bërë asnjë skandal.

“Nuk bëra skandale, gjë për të cilën nuk duhet të më kritikoni”, ka thënë Obama duke bërë shaka në konferencën teknologjike Oktane18.

Duke folur për administratën e tij, Obama ka thënë se largimi nga Shtëpia e Bardhë pa dëmtuar reputacionin është një gjë jo edhe aq e vogël.

“Nëse shikoni historinë e presidencave moderne, të dalësh nga ajo presidencë pa u futur askush në burg është gjë e mirë. Gjë shumë e madhe”, ka thënë ai, transmeton Newsweek.

Obama theksoi se askush në administratën e tij nuk ishte futur në probleme duke bërë gabime.

Kritikët e Obamas mund të mendojnë më ndryshe për këto deklarata të tij, pasi shpesh është kritikuar për sulmin e ambasadës amerikane në Benghazi që mbeti i vrarë ambasadori Christopher Stevens dhe tre diplomatë tjerë, pastaj edhe dështimin për të mbyllur burgun e Gauantanamos.

Lajme të ngjashme

Leave a Reply

Your email address will not be published. Required fields are marked *

Back to top button