Nga Ujëvara e Mirushës pritet largimi i objekteve të montazhit
Bashkë me këto fotografi të Adem Jasharit, Skënderbeut dhe të mbishkrimit UÇK, pritet të largohen edhe këto dy objekte montazhi të ndërtuara vite më parë krejt pranë Ujëvarës së Mirushës, raporton KTV.
Por Ministrisë së Mjedisit dhe Komunës së Malishevës si duket do t’u dalë punë me pronarët e këtyre objekteve, të cilëve u ka mbetur edhe pak afat për t’i rrënuar vetë ato. Pronarët nuk e kanë përfillur vendimin e inspektoratit të Malishevës për rrënimin e tyre.Pronarët e kanë ndërmend të rezistojnë karshi këtij vendimi.Në komunë po presin që pronarët ta kryejnë vetë rrënimin në të kundërtën një gjë të tillë do ta bëjë komuna, e cila ka nisur edhe procedurat e kontraktimit të ndonjë operatori për rrënim.
