OJQ Civil: Dita për respektimin e dinjitetit njerëzor dhe e të drejtës për jetë

CIVIL – Qendra për Liri ua uron 9 majin, Ditën e fitores mbi fashizmin dhe Ditën e Evropës, të gjithë qytetarëve dhe qytetareve të Republikës së Maqedonisë dhe të botës.

“Dita e fitores mbi fashizmin, e cila njëkohësisht është edhe Dita e Evropës, për fat të keq, është dita e kujtesës traumatike e qytetareve dhe qytetarëve të Kumanovës dhe gjithë Maqedonisë. Kjo është dita kur filloi lufta 48- orëshe në Lagjen e Trimave në Kumanovë, ndeshje e ashpër me grup të armatosur kriminel – terrorist. Në përleshjet humbën jetët tetë përkatës të policisë. Deti në ditën e sotme, këtë ngjarje e ndjekin mistere dhe të pathëna rreth çështjeve të cilat kanë të bëjnë me organizatorët dhe motivet për këtë sfidë të rëndë të sigurisë së shtetit. Dhe, derisa presidenti Ivanov ishte në paradë në Moskë, ndërsa mediat nën kontrollin e pushtetit tentonin të manipulojnë me opinionin, qytetaret dhe qytetarët e Kumanovës dhe Republikës së Maqedonisë treguan pjekuri dhe maturi të madhe, bashkim dhe përcaktim për multikulturalizëm dhe bashkëjetesë, që mund të shërbejë si shembull edhe në korniza evropiane”, thuhet në kumtesën e OJQ Civil.

Ata shtojnë se “në këtë datë, 9 maj, festohen vlerat botërore dhe evropiane, me të cilat promovohen të drejtat dhe liritë e njeriut, demokracia, barazia, drejtësia sociale dhe sundimi i drejtësisë”.

“Kjo është dita kur duhet të përkujtohemi në tmerret e luftës dhe ndarjeve dhe kur padrejtësisë duhet t’i përgjigjemi me thirrje për bashkësi dhe respektim të dinjitetit njerëzor dhe të drejtës për jetë. Këto vlera nuk janë masë administrative, por janë esenca e kulturës politike dhe synimeve civilizuese nga të cilat duhet të synojmë si shoqëri. Civili do ta shënojë Ditën e Evropës duke punuar, me panel diskutim pikërisht në Kumanovë, në temën “Lagja e Trimave, tre vite më pas…”, si pjesë e projektit “Media të lira për shoqëri të lirë”, thuhet në kumtesë.