Rreth 200 pasagjerë janë bllokuar në aeroport

Rreth 200 pasagjerë janë bllokuar në aeroportin ‘Nënë Tereza’ në Rinas. Shkak është bërë anullimi i fluturimit të linjës Tiranë-Frankfurt, nga kompania Adria Airways.

Pasagjerët duhet të ishin nisur në orën 12:20. Ndërkohë qytetarët të irrituar po presin në zyrat e kompanisë ‘Adria Airways’.

“Nuk po na japin asnjë shpjegim, nuk mund të presim biletë tjetër pasi janë të papërballueshme.”

Ne një komunikim për Fax News me gazetaren Eksiola Shehu, punonjësit e kompanisë ‘Adria Airways ‘në aeroportin “Nënë Tereza”, shprehen se pasagjerëve i’u është komunikuar se do të sistemohen gjatë ditës së sotme me kompani të tjera.

Kompania i ka njoftuar pasagjerët vetëm pasi kishin kaluar në anën tjetër për të hipur në avion, pasi kishin bërë check in.

Sipas kompanisë ‘Adria Airways’ shkak për anulimin e fluturimit është bërë një defekt teknik.