Zaev: Sulmi në Kuvend ishte sulm ndaj demokracisë (VIDEO)
“Sulmi i 27 prillit në Kuvend nuk ishte sulm ndaj nesh këtu, por ndaj demokracisë, ai ishte më shumë se krim”, tha mes tjerash, kryeministri Zoran Zaev, i cili bashkë me kryetarin e Kuvendit ,Talat Xhaferi dhe deputetë të shumicës parlamentare, sot mbajtën konferencë të përbashkët për shtyp me rastin e njëvjetorit të ngjarjeve të dhunshme, njofton Portalb.mk.
Zaev tha se ende nuk mundet të pranojë se dikush pre tyre ka hyrë në Kuvend dhe ka qenë i gatshëm edhe për likuidim të disa përfaqësuesve të Kuvendit.
Kryeministri ka theksuar se patjetër duhet që të ketë përfundim ligjor ky rast dhe se, megjithatë, ky rast i ka nxitur edhe më shumë reformat.
“Shtëpia e qytetarëve atë natë ishte e uzurpuar nga dhuna. Ndihmoi mendja e shëndoshë dhe përmbajtja që të mos ngritet vëllai kundër vëllait. Bashkë i tejkaluam momentet e rënda. Katarza për 27 prillin patjetër duhet që të kalojë nëpërmjet sistemit gjyqësor”, tha Zaev.
Sipas tij, 27 prilli është fotografia e Maqedonisë e cila lufton për liri.
“Ato ngjarje e shpejtuan ndryshimin. Për 1 vit bota e pa zhvillimin tonë. Ky ndryshim kërkon kohë dhe punë”, tha Zaev.
- LEXO: Gjithçka që ndodhi gjatë sulmit në Kuvend (FOTO+VIDEO)
- LEXO: Një vjet nga dita e përgjakshme e 27 prillit, si vazhdoi ky tregim i dhunshëm?
- LEXO: Terrori i 27-prillit, Aleanca për Shqiptarët me aktivitet para Kuvendit të Maqedonisë
27 prilli, Xhaferi: Ua falë, por e njëjta të mos përsëritet kurrë (VIDEO)