Ja çfarë thonë nga seriali “O sa mirë” për vdekjen e Art Kurtit
Vdekja e aktorit, Art Kurti, ekipit të serialit “O sa mirë” i ka shkaktuar dhimbje dhe pikëllim të madh. Nëpërmjet shkrimit të shpërndarë në rrjetin social Facebook, ata kanë shprehur ngushëllime për familjarët, artistët dhe miqtë, njofton Portalb.mk.
“Dhimbje të tmerrshme dhe pikëllim të pakufishëm na dha sot lajmi për vdekjen e Art Kurtit, kolegut fantastik që kishim në Serialin “O Sa Mirë”. Tepër i ri për të shkuar. Do ta kujtojmë gjithmonë mirësinë e tij, talentin e tij, të qeshurën e tij. Ngushëllime familjarëve, artistëve dhe miqve!”, thuhet në reagimin e serialit “O sa mirë”.
