Brnabiç dënon tentimin për grisje të flamurit kroat nga Shesheli

Kryeministrja e Serbisë, Ana Brnabiç, ka dënuar ashpër sjelljen e kreut të Partisë Radikale, Vojislav Sheshel, nga shkaku i të cilit delegacioni kroat i kryesuar nga kryeparlamentari Gordan Jandrokoviç, ndërpreu vizitën në Serbi, transmeton anadolu Agency (AA).

Brnabiç, tha se dënon ashpër sjelljen e Sheshelit.

“Tentativa për të grisur flamurin kroat, ose cilindo flamur tjetër ose simbol shtetëror, dhe ofendimi i anëtarëve të delegacioneve zyrtare për vizitë në vendin tonë, nuk paraqet sjellje që përfaqëson Serbinë, vlerat e Qeverisë së Serbisë dhe shumicës së qytetarëve”, theksoi Brnabiç.

Delegacioni i Parlamenti kroat i kryesuar nga kryetari Gordan Jandrokoviç, vendosi të ndërpres vizitën zyrtare në Serbi, nga shkaku i incidentit të cilin e shkaktoi deputeti Sheshel.

Ai në hyrje të Kuvendit të Serbisë bashkë me deputetin e partisë Radikale, Filip Stojanoviç përdhosi flamurin e Kroacisë, dhe pas kësaj duke kaluar pranë delegacionit kroat, adresoi fjalë ofenduese.

“Përkundër fillimit shumë të mirë të vizitës zyrtare, dhe angazhimit për të përmirësuar marrëdhëniet midis dy vendeve, nga shkaku i kësaj vepre ne kemi ndërprrerë vizitën, sepse akti në fjalë ka shkelur rëndë dinjitetin e Republikës së Kroacisë dhe të Parlamentit kroat”, tha delegacioni i Parlamentit kroat.

Lidhur me incidentin është prononcuar edhe Partia Radikale, e cila thekson se në hyrje të Kuvendit, Sheshel ka vërejtur flamurin kroat të cilin e kishte rrëzuar për toke, ka tentuar ta grisë, pas çka bashkë me deputetin Filip Stojanoviç kanë filluar ta shkelin. Partia njofton se Sheshel ka sharë delegacionin kroat.

Lajme të ngjashme

Leave a Reply

Your email address will not be published. Required fields are marked *

Back to top button