Edhe SHBA përshëndet rekomandimin e KE: Ditë për tu festuar
Edhe Shtetet e Bashkuara te Amerikes, permes Ndihmëssekretarit amerikan te shtetit për Europën dhe Euroazinë, pershendeten rekomandimin e Komisionit Evropian per celjen e negociatave me Shqiperine per anetaresimin ne BE, transmeton Gazeta Express.
Ndihmëssekretari amerikan i shtetit për Europën dhe Euroazinë, Wess Mitchell priti sot në një takim zyrtar Ministren e Mbrojtjes Olta Xhaçka.
Takimi u zhvillua pak minuta pas deklaratës zyrtare të Komisionit Evropian, e cila nuk kaloi pa u uruar edhe nga ndihmëssekretari Mitchell i cili u shpreh se dita e sotme është një ditë për tu festuar.
Gjithashtu Ndihmëssekretari amerikan i shtetit vlerësoi kontributin e Shqipërisë në NATO duke u shprehur se Shqipëria është një partner i besueshëm i SHBA dhe garant i sigurisë në rajon.
Nga ana e saj, ministrja Xhaçka u shpreh se deri në vitin 2024, 2% e GDP do t’i dedikohet mbrojtjes.
Ky takim është vazhdim i disa takimeve zyrtare qe ministrja e Mbrojtjes po zhvillon në SHBA me ftesë të sekretarit amerikan të Mbrojtjes, James Mattis.