fbpx

Derisa në Kuvend miratohen ligjet, zëvendëskryeministri Osmani thotë se reformat janë bërë! (FOTO)

“Vij me lajme të mira nga Republika e Maqedonisë. Ashtu siç edhe premtuam para nëntë muajve, i bëmë brenda afatit reformat për Raportin e Komisionit Evropian që pozitivisht të vlerësohet progresi ynë”, kështu i ka thënë zëvendëskryeministri për Çështje Evropiane i Maqedonisë, Bujar Osmani – përfaqësueses së lartë të Bashkimit Evropian për Politikë të Jashtme dhe Siguri, Federika Mogerini, njofton Portalb.mk.

Bujar Osmani para se të miratoheshin ligjet në fjalë në Kuvendin e Maqedonisë ka thënë se në momentin e fundit u sigurua konsesusi politik.

“Edhe në këtë moment, në këto ditë të fundit, deri sa mbajmë këtë takim, në Kuvendin e Republikës së Maqedonisë, po miratohen edhe ligjet e fundit reformuese për të cilat është e nevojshme përkrahja e dy te tretave të deputetëve dhe për çka në momentin e fundit, me opozitën, u sigurua konsensusi i nevojshëm”, ka thënë Osmani.

Mogerini - Osmani
Mogerini – Osmani

Më 17 prill është Raporti i KE-së, Kuvendi i Maqedonisë në mënyrë “eksprese” miratoi tre ligje

Osmani është takuar edhe me përfaqësues të Parlamentit dhe Këshillit Evropian

Pas takimit me Mogerinin, zëvendëskryeministri Osmani ka realizuar takime edhe me drejtoreshën e Departamentit për Ballkanin Perëndimor pranë Drejtorisë për zgjerim (DGNEAR), Genoveva Ruiz Kalavera, me euro-parlamentarin holandez, Hans Van Baalen i cili kryeson grupin “Miqtë e Maqedonisë” në Parlamentin Evropian dhe me shefin e kabinetit të Kryetarit të Këshillit Evropian, Donald Tusk, Pjotr Serafin.

Në takime u hapën tema për integrimin evropian të Republikës së Maqedonisë, në kontekst të perspektivave evropiane të vendeve të Ballkanit Perëndimor.

“Republika e Maqedonisë në mënyrë aktive përgatitet për implementimin e proceseve të iniciativave kryesore të Strategjisë për zgjerim me vendet e Ballkanit Perëndimor 2025, që paraqet mjet kryesor për përmbushjen e kritereve për pranimin e vendeve – kandidate, si dhe konvergjencën e shoqërisë me vendet tjera evropiane”, ka thënë Osmani.

Në këtë drejtim Osmani shprehu kënaqësinë nga suksesi i deritanishëm të implementimit të Planit 3-6-9, duke potencuar intencën e Qeverisë planifikon të vazhdojë me procesin reformues, menjëherë pas marrjes së Raportit nga ana e Komisionit Evropian me 17 prill, me të cilën agjenda Evropiane sërish do të mbahet në fokusin e saj.

Ndryshe, më 17 prill do të publikohet raporti i rregullt i Strategjisë për zgjerim i Komisionit Evropian dhe raportet e tij për secilin shtet veçmas. Pas kësaj, më 17 maj mbahet Samiti i Këshillit Evropian për Ballkanin Perëndimor në Sofje të Bullgarisë, më qershor realizohen takim i Këshillit të përgjithshëm të BE-së dhe Këshillit Evropian me konkluzione të rëndësishme, në korrik kryesimin me BE-në e merr Austria, në korrik zhvillohet samiti i Londrës aktivitet ky që realizohet në kuadër të procesit të Berlinit dhe deri në fund të vitit 2018 zhvillohet debat i thellë me të gjitha vendet anëtare për ardhmërinë e Bashkimit Evropian edhe pas vitit 2025.

Strategjia e zgjerimit i KE-së: Ja cilat janë gjashtë “detyrat e shtëpisë” që duhet t’i kryejë Maqedonia

Lajme të ngjashme

Leave a Reply

Your email address will not be published. Required fields are marked *

Back to top button